ҮЙЛЧИЛГЭЭНИЙ ЕРӨНХИЙ НӨХЦӨЛ

“Archery Shop Mongolia” ХХК-ийн албан ёсны бүтээгдэхүүн “archeryshop.mn” нь байт харвааны хэрэгслийн худалдааны цахим орон зайг бий болгож, цахим худалдааны үйлчилгээг олон нийтэд хүргэнэ.
Энэхүү Үйлчилгээний нөхцөл нь цахим орчинд бараа бүтээгдэхүүнийг  худалдах, худалдан авахтай холбоотой үүсч буй харилцааг зохицуулна. Энэхүү Үйлчилгээний нөхцөлд хэрэглэсэн дараах нэр томъёог дор дурдсан утгаар ойлгоно. Үүнд:

• “Цахим худалдааны систем” гэж Албан ёсны гэрээт борлуулагчийн бараа бүтээгдэхүүнийг Хэрэглэгчдэд санал болгох, худалдан авалтыг цахимаар хийх үйлчилгээг үзүүлж буй цахим хуудас https://archeryshop.mn/-ийг (цаашид “Archery Shop Mongolia” гэх)
• “Хэрэглэгч” гэж энэхүү Үйлчилгээний нөхцлийг хүлээн зөвшөөрч, “Archery Shop Mongolia”-г хэрэглэж буй иргэний эрх зүй бүрэн чадамжтай иргэн.
• “Албан ёсны гэрээт борлуулагч”- Бараа бүтээгдэхүүн борлуулах болон үйлчилгээ үзүүлэх албан ёсны эрхтэй хуулийн этгээд, хувь хүнийг.
• Хэрэглэгч нь “Archery Shop Mongolia”-д нэвтэрсэн эсхүл бүртгүүлсэн үеэс эхлэн Үйлчилгээний нөхцлийг мөрдөх бөгөөд тухайн үеэс уг нөхцлийг хүлээн зөвшөөрсөнд тооцно.
• “Archery Shop Mongolia” нь Албан ёсны гэрээт борлуулагчийн бараа бүтээгдэхүүн, үйлчилгээний мэдээллийг Хэрэглэгчдэд хүргэж, танилцуулах болон худалдан авалтыг цахимаар хийх боломжийг өөрсдийн цахим худалдааны системээр дамжуулан Хэрэглэгчид олгоно.
• “Archery Shop Mongolia”-д байршуулсан бараа бүтээгдэхүүнийг шууд нийлүүлэх (бэлэн бараа), үйлдвэрээс нийлүүлэх гэж ангилна.
• Үйлдвэрээс нийлүүлэх бараа бүтээгдэхүүний хувьд тээвэрлэлт болон хил, гаалийн үйл ажиллагааны улмаас барааг хэрэглэгчид хүргэх хоног тодорхой хугацаагаар саатаж болзошгүй тухай Албан ёсны гэрээт борлуулагчийн мэдээллийг үндэслэн тухай бүр “Archery Shop Mongolia”-оос  Хэрэглэгчид мэдэгдэнэ.
• Хэрэглэгч нь иргэний эрх зүйн бүрэн чадамжтай иргэн байх бөгөөд насанд хүрээгүй хүүхэд эцэг эхийн хамт үйлчилгээний нөхцлийн дагуу худалдан авалт хийх боломжтой.
• Энэхүү Үйлчилгээний нөхцлийн хэрэгжилтэд “Archery Shop Mongolia” ХХК болон Хэрэглэгч нар нь хамтран хяналт тавина.

ХЭРЭГЛЭГЧИЙН АНХААРАХ ЗҮЙЛС

• Хэрэглэгчээр бүртгүүлэхдээ “Archery Shop Mongolia”-ийн Нэвтрэх хэсгийг сонгон “Нэвтрэх” болон “Бүртгүүлэх” гэсэн сонголтыг аль нэгийг сонгож өөрийн цахим шуудангийн хаяг болон утасны дугаарыг илгээнэ.
• “Archery Shop Mongolia”-аас Хэрэглэгчийн албан ёсны цахим хаяг болон гар утасны дугаар луу нэвтрэх нэг удаагийн нууц үгийг илгээнэ. Хэрэглэгч нь тухайн нууц үгээр нэвтэрсний дараа нэвтрэх шинэ нууц үг зохиож, өөрийн хувийн мэдээллийн аюулгүй байдлыг хангах үүрэгтэй.
• “Archery Shop Mongolia”-д бүртгүүлэхээс гадна өөрийн албан ёсны facebook хаягаар шууд бүртгүүлж, “Archery Shop Mongolia”-д нэвтрэх боломжтой.
• Archery Shop Mongolia-д Хэрэглэгчээр бүртгүүлснээр бараа бүтээгдэхүүн, үйлчилгээ захиалах, хүслийн жагсаалт үүсгэх, өөрийн захиалгыг хянах эрхтэй болно.
• Хэрэглэгч нь “Archery Shop Mongolia”-д нэвтрэх цахим шуудан болон нууц үгийг бусдад дамжуулахгүй байх, үүнтэй холбоотой учирч болох аливаа эрсдэлээс сэргийлэх үүрэгтэй. Энэхүү үүргээ биелүүлээгүй буюу хангалтгүй биелүүлсэний улмаас өөрт болон бусдад учирсан аливаа хохирлыг Хэрэглэгч өөрөө бүрэн хариуцна.
• Хэрэглэгч “Archery Shop Mongolia”-н талаар санал гомдол, шинэ санаа, шинэ бараа борлуулах хүсэлт, шүүмж зэргийг чөлөөтэй илэрхийлэх, илгээх эрхтэй бөгөөд archeryshop.mn дээрх онлайн туслах, https://www.facebook.com/Archery-Shop-Mongolia-д хандан мессэж илгээх боломжтой.
• Хэрэглэгч нь өөрийн мэдээллийн үнэн зөв, бодит байдалд бүрэн хариуцлага хүлээнэ.
• Archery Shop Mongolia хэвийн ажиллагаа, түүний аюулгүй байдал, мэдээллийн нууцлалыг “Archery Shop Mongolia” ХХК бүрэн хариуцна.

ЗАХИАЛГА ХИЙХ, БАТАЛГААЖУУЛАХ, ЦУЦЛАХ

• Захиалга хийх хугацаа: Хэрэглэгч “Archery Shop Mongolia” цахим худалдааны системийг ашиглан 24 цагийн аль ч цагт хэдэн удаа ч захиалга хийж болно. Хэрэглэгч нэгэн зэрэг хэдэн ч худалдан авалт хийх боломжтой.
• Захиалга баталгаажих, цуцлагдах хугацаа: Хэрэглэгч нь захиалга хийснээс хойш 48 цагийн дотор зааврын дагуу төлбөрийг бүрэн шилжүүлснээр захиалга нь баталгаажина.
• Захиалгын төлбөр 48 цагийн дотор холбогдох дансанд орж ирээгүй тохиолдолд захиалга автоматаар цуцлагдана. Нэгэнт цуцлагдсан захиалгыг дахин сэргээх боломжгүй бөгөөд Хэрэглэгч хүсвэл захиалгыг дахин шинээр хийх боломжтой.
• Хэрэглэгч 48 цагийн дотор төлбөрийг гүйцэтгэж чадалгүй захиалга цуцлагдсан тохиолдолд “Archery Shop Mongolia” ХХК ямар нэгэн хариуцлага хүлээхгүй.
• Хэрэглэгч нь ажлын өдрүүдэд 09:00-19:00 цагийн хооронд /цайны цаг 12:00-13:00/, амралтын өдрүүдэд 12:00-17:00 цагийн хооронд 99108528 дугаараар холбогдож мэдээлэл авах, тодруулах бүрэн боломжтой.
• Захиалгын бараа хүргэгдэх хугацаа: “Archery Shop Mongolia” нь Хэрэглэгчийн хийсэн захиалгын төлбөр албан ёсны дансанд тодорхой заавар, хэлбэрийн дагуу хийгдсэн үеэс эхлэн захиалга албан ёсоор хийгдэж баталгаажсан гэж үзнэ.
• Захиалга хийх, төлбөрийг шилжүүлэх, бараа, бүтээгдэхүүн хүлээж авах бүрд Хэрэглэгчийн бүртгүүлсэн цахим шууданд болон бүртгүүлсэн гар утсанд “Archery Shop Mongolia”-ooc мэдэгдэл илгээнэ.
• Захиалгыг баталгаажуулсан хугацаа, тээвэрлэлт, аюулгүй байдал зэргээс хамаарч захиалгын төлбөрийг бүрэн төлсөн өдрөөс хойш бэлэн барааг Улаанбаатар хотод 24-48 цагт, хөдөө, орон нутагт 48-96 цагийн дотор унаанд тавьж хүргүүлнэ.
• Гэнэтийн болон давагдашгүй хүчин зүйл, бүх нийтийн амралтын өдрүүд, эрх бүхий байгууллага, албан тушаалтны шийдвэрээр хил, гаалийн үйл ажиллагаа саатах, цаг агаарын байдал, хорио цээрийн дэглэм тогтоосон, гамшгийн нөхцөл байдал үүссэн болон бусад хүчин зүйлийн улмаас тээвэрлэлт саатах зэрэг шалтгаанаар тодорхой хугацаагаар захиалгын хүргэлт саатах бүрд хэрэглэгчид нэн даруй мэдэгдэнэ. Эдгээр нөхцөл байдлууд арилж, захиалгыг хүргэх боломж бүрдэх хүртэл хүргэлтийн хугацаа хойшлогдоно.
• Онцгой бараа: Барааны төрөл, хэлбэр, жин, овор хэмжээнээс хамааран захиалга болон хүргэлт хийх хугацаа өөр байх боломжтой. Хэрэв Хэрэглэгчийн хийсэн захиалгын бараа онцгой шинж чанартай байх тохиолдолд тухайн үеэд нь Хэрэглэгчид мэдэгдэх, тодруулах, захиалгыг дахин баталгаажуулж хүргэлтийн нөхцөлийг тодорхойлох болно.

ТӨЛБӨР ТӨЛӨХ, ЗАХИАЛГА ЦУЦЛАХ

• Хэрэглэгч захиалга хийж баталгаажуулсны дараа цахим хэлбэрээр захиалгын хуудасны мэдээлэл авна.
• “Archery Shop Mongolia” нь захиалгыг баталгаажуулж байх хугацаанд захиалгын нийт дүн, төлбөр гүйцэтгэх хэлбэр, төлбөр хүлээн авагч Байгууллагын нэр, дансны дугаар зэргийг Хэрэглэгчдэд ойлгомжтой хэлбэрээр хүргэнэ.
• Хэрэглэгчийн хийсэн захиалга бүр дахин давтагдашгүй захиалгын дугаартай байх бөгөөд “Миний Бүртгэл” хэсгээс захиалгын тухай дэлгэрэнгүй мэдээллийг харах боломжтой.
• Захиалга хийгдсэнээс хойш 48 цагийн дотор Хэрэглэгч нь төлбөрийг хүлээн авагчийн дансанд шилжүүлэх, байршуулах шаардлагатай. Төлбөрийг шилжүүлэх, байршуулахад системд заагдсан зааврыг зайлшгүй дагаж мөрдөнө.
• “Archery Shop Mongolia” нь захиалгын нийт үнийн дүнг 100 хувь урьдчилан хүлээн авснаар захиалга автоматаар баталгаажна.
• “Archery Shop Mongolia” нь Хэрэглэгчид захиалга хийгдсэнээс хойш 48 цагийн хугацаанд төлбөр гүйцэтгэх боломжийг олгож байгаа бөгөөд тус хугацаанд захиалгыг цуцлах, өөрчлөх боломжтой. 
• Хэрэглэгч бараа бүтээгдэхүүн, үйлчилгээний мэдээлэлтэй сайтар танилцаж, захиалгаа давхар нягтлах үүрэгтэй бөгөөд захиалгын төлбөрийг төлсөн бол тус захиалгыг буцаах, цуцлах ямар боломжгүй.
• Хэрэглэгчийн захиалсан барааны загвар зөрсөн, гэмтэлтэй байсан тохиолдолд “Archery Shop Mongolia” нь тус барааг солиулах эсвэл төлбөрийг буцаан олгох сонголтыг олгоно.
• “Archery Shop Mongolia”-ийн бараа захиалгын тээвэрлэлтийг мэргэжлийн байгууллага хариуцаж гүйцэтгэх тул захиалсан бараа гэмтэлтэй ирсэн тохиолдолд дээрх нөхцөлийн дагуу арга хэмжээ авна.
• Хэрэглэгч захиалга хийхдээ тус системд байгаа барааны дэлгэрэнгүй танилцуулга, мэдээллийг сайтар судлах зайлшгүй шаардлагатай. Хэрэглэгч тус барааны талаар сайтар мэдээлэл аваагүйгээс болж захиалга хүргэгдэн ирсний дараа захиалгыг буцаах хүсэлтийг “Archery Shop Mongolia” хүлээн авах, барааг буцаах боломжгүй. 
• “Archery Shop Mongolia”-д барааны албан ёсны брэнд, бүтээгдэхүүний нэр, код зэрэг мэдээлэл байгаа тул бусад мэдээллийн сувгийг ашиглан тус барааны талаар мэдээлэл, бусад орны хэрэглэгчдийн санал гомдлыг судлах боломжтой.
• “Archery Shop Mongolia” нь 4.9-д заасан нөхцөл байдал үүсэхээс урьдчилан сэргийлэх зорилгоор Хэрэглэгчид захиалгаа баталгаажуулах 48 цагийн хугацааг олгож байгаа бөгөөд захиалгын төлбөр хийгдэж, захиалгаа баталгаажуулсны дараа Хэрэглэгч нь захиалгыг цуцлах, бараа бүтээгдэхүүнийг хүлээн авахаас татгалзах үндэслэлгүй.
• Хэрэв Хэрэглэгч бараа бүтээгдэхүүний татан авалт хийгдсэний дараагаар хүргэлтээс өмнө захиалгаа цуцлах тухай хүсэлт ирүүлсэн нөхцөлд Хэрэглэгчид захиалгын төлбөрийг буцаан шилжүүлэхдээ банкны гүйлгээний шимтгэл 1% болон тухайн бараа бүтээгдэхүүний татан авалт, ялгалт ангилалтын төлбөрийг захиалгын бүсчлэлээс хамааруулан /А бүс-4000 төгрөг, B бүс-6000 төгрөг, C бүс-8000 төгрөг/ зохих үнийг тухайн бараа бүтээгдэхүүн, үйлчилгээний төлбөрөөс суутган авч буцаан шилжүүлнэ.
• Цахим зээлээр худалдан авалт хийсэн хэрэглэгч захиалгаа цуцлах нөхцөлд зээлийн үйлчилгээний шимтгэлийг буцаан шилжүүлэх боломжгүй.

БАРАА БУЦААХ НӨХЦӨЛ

• Хэрэглэгч захиалсан бараа бүтээгдэхүүнийг хүлээн авахдаа захиалсан хэмжээ, өнгө, загвар зөв эсэх, хэмжээ нь бүрэн таарч байгаа эсэх, бүрэн ажиллагаатай байгаа эсэхийг шалгаж авна. 
• Хэрэглэгч захиалсан бараа бүтээгдэхүүнийг зохих ёсоор хүлээж авснаа хүлээн зөвшөөрч баримтад гарын үсэг зурсан тохиолдолд дараах тохиолдлуудаас бусад шалтгаанаар буцаах болон солиулах боломжгүй.
• Дараах тохиолдолд бараа бүтээгдэхүүнийг буцаах боломжтой. Үүнд:
• Захиалсан бараа хүлээн авах үед гэмтэлтэй байсан.
• Захиалсан барааны хэмжээ томдсон/багадсанаас шалтгаалан барааг солиулах хүсэлт гаргасан боловч сольж авах бараа дууссан; /Таны захиалсан барааны хэмжээ мөн боловч брэндийн болон загварын онцлогоос шалтгаалан танд томдох/жижигдэх нөхцөл байдал үүсч болно Энэ тохиолдолд барааг солиулах сонголт байх бөгөөд солих бараа байхгүй үед захиалгаа буцааж болно.
• Дараах тохиолдолд бараа бүтээгдэхүүнийг солих боломжтой. Үүнд:
• Захиалсан барааг хүлээн авах үед загвар, хэмжээ, өнгө зөрсөн; /Өнгө, хэмжээ, загвараас солиулах боломжгүй нөхцөлд өөр төрлийн бараа, бүтээгдэхүүнээс сонгож зөрүүг нэмж төлөх, эсхүл буцаах эрхтэй/
• Захиалсан бараа гэмтэлтэй, зохих ёсоор бүрэн ажиллахгүй байсан.
• Хэрэглэгч худалдан авсан барааг буцаах тохиолдолд барааг хүлээн авсан цагаас хойш 24 цагийн дотор  99108528 утсаар эсвэл [email protected]  имэйл хаягаар захиалга өгснөөр  буцаах боломжтой. Буцаах барааг өөрийн биеэр буцаах эсвэл өөрийн байгаа газраас авахуулж болно.
• Барааг буцаах үед анхны хүргэлтийн төлбөр /А бүс-5,000 төгрөг, B бүс-8,000 төгрөг, C бүс-10,000 төгрөг, орон нутгийн хүртгэлт байршлаас хамааруулан/-ийг тухайн бараа бүтээгдэхүүн, үйлчилгээний төлбөрөөс суутгаж авна. Хэрэв өөрийн байгаа газраасаа барааг авахуулах тохиолдолд анхны хүргэлтийн хөлс дээр нэмж буцаалтын хүргэлтийн хөлс /А бүс-5,000 төгрөг, B бүс-8,000 төгрөг, C бүс-10,000 төгрөг/-ийг суутгах болно.
• Storepay төлбөрийн хэрэгслээр худалдан авалт хийсэн хэрэглэгч бараа бүтээгдэхүүнийг буцаах, солих нөхцөлд /бараа бүтээгдэхүүнийг өөрийн биеэр буцаах үед/ худалдан авалтын үнийн дүнгийн 1% болон тухайн бараа бүтээгдэхүүний анхны хүргэлтийн хөлсийг бүсчлэлээс хамааруулан /А бүс-5,000 төгрөг, B бүс-8,000 төгрөг, C бүс-10,000 төгрөг байршлаас хамааруулан/ Archery Shop Mongoliaд төлсний үндсэн дээр  Storepay-ийн зүгээс таны урьдчилан төлсөн төлбөрийг буцаан шилжүүлнэ. Хэрэв та өөрийн байгаа газраасаа барааг авахуулах тохиолдолд дээрх төлбөр дээр нэмж буцаалтын хүргэлтийн хөлс /А бүс-5,000 төгрөг, B бүс-8,000 төгрөг, C бүс-10,000 төгрөг, орон нутгийн хүргэлт байршлаас хамааруулан/-ийг нэмж төлнө.
• Бараа бүтээгдэхүүнийг буцаах/солиулахад тухайн худалдан авсан бараа бүтээгдэхүүний тооцооны хуудсыг үндэслэх ба бараа бүтээгдэхүүн нь дахин худалдаалах боломжтой байна.
• Сав баглаа боодлыг онгойлгосон болон эвдэрч гэмтсэн, бохирдсон тохиолдолд солих болон буцаах боломжгүй.

БУСАД НӨХЦЛҮҮД

• Archery Shop Mongolia ХХК нь Үйлчилгээний нөхцөлд өөрчлөлт оруулах эрхтэй бөгөөд өөрчлөлт оруулсан тохиолдолд тухай бүр Archery Shop Mongolia.mn сайт дээр нийтэд нээлттэй нийтлэх бөгөөд Хэрэглэгч нь танилцах үүрэг хүлээнэ.
• Хэрэглэгчийг захиалга хийгдэх үед хүчинтэй байсан үйлчилгээний нөхцөл захиалгыг хүргэх шатанд өөрчлөгдсөн тохиолдолд өмнөх үйлчилгээний нөхцлийг үндэслэн бараа, бүтээгдэхүүнийг хүлээж авах хүртэлх хугацаанд хүчинтэйд тооцох болно.